«Բրեքսիտի» մասին օրինագիծն ընդունվեց, սակայն «Բրեքսիտը» կհետաձգվի

Մեծ Բրիտանիայի Համայնքների պալատն ընդունեց երկրորդ ընթերցմամբ «Բրեքսիտի» մասին օրենքի նախագիծը, սակայն ԵՄ կազմից «մառախլապատ Ալբիոնի» դուրս գալու բուն գործընթացը կհետաձգվի։ Այս մասին հայտնում է BBC-ն, նշելով, որ 329 պատգամավոր կողմ է քվեարկել, 299 պատգամավոր՝ դեմ։

Նշենք, որ պառլամենտը մերժել է մեկ այլ նախագիծ, որի ընդունման դեպքում Լոնդոնը դուրս կգար ԵՄ կազմից հոկտեմբերի 31-ին։ Մեծ Բրիտանիայի վարչապետ Բորիս Ջոնսոնը հայտարարել է, որ հիասթափված է, քանի որ երկիրը հետագա ավելի լուրջ անորոշության առաջ է կանգնած։