Պուտինի համար հիվանդանոցներում հատուկ արյո՞ւն են պահել

ԵԱՏՄ անդամ երկրների նախագահները, ինչպես հայտնի է, այսօր ժամանեցին Հայաստան։ Միայն ՌԴ նախագահ Վլադիմիր Պուտինը չի գալու․ նա կգա վաղը՝ կեսօրին, կմասնակցի ԵԱՏՄ բարձրագույն խորհրդի նիստին ու մի քանի ժամ անց կհեռանա։ Պուտինն իր հետ Երևան կբերի նաև իր նոր զրահապատ ավտոմեքենան՝ Aurus լիմուզինը, որով էլ կերթևեկի Երևանում։ Նրա անվտանգությունը Հայաստանում կապահովվի ամենաբարձր մակարդակով։ 

Մենք տեղեկացանք, որ հայաստանյան որոշ խոշոր հիվանդանոցների անգամ հանձնարարվել է Պուտինի արյան կարգով արյուն նախապատրաստել, որ եթե հանկարծ արտակարագ դեպք պատահի, նրան տեղափոխեն հիվանդանոց ու արյան փոխներարկման կարիք զգացվի, ռեզերվում արյուն ունենան։ Սա, ասում են, ՌԴ նախագահի պահանջների կամ, այսպես կոչված, ռայդերների մեջ է մտնում, որ որևէ երկիր գնալուց առաջ հյուրընկալող երկիրը պետք է ապահովի։ Մյուս նախագահներն, օրինակ, այդ աստիճան քմահաճ չեն։