Մանվել Գրիգորյանի գործով դատավորին ինքնաբացարկ հայտնեցին. նիստը ընդմիջվեց
Աննա Պապիկյան
14 Հունվար 2019 | 14:06
0
Գեներալ Մանվել Գրիգորյանի գործով նախագահող դատավոր Արսեն Նիկողոսյանին ինքնաբացարկի միջնորդություն են ներկայացրել։ Այս մասին մեր հարցին ի պատասխան ասաց գործով դատախազ Վահե Դոլմազյանը։ Սակայն նա չցանկացավ նշել, թե ինքնաբացարկի միջնորդություն որ կողմն է ներկայացրել։
Գրիգորյանի պաշտպանները եւս չմեկնաբանեցին։ Պաշտպաններից միայն Լևոն Բաղդասարյանն ասաց, որ նիստը ընդմիջվել է։ Ամենայն հավանականությամբ, դատավորը հեռացել է խորհրդակցական սենյակ՝ միջնորդության վերաբերյալ որոշում կայացնելու։
Նշենք, որ Վերաքննիչը քննում էր դատախազության բերած բողոքը առաջին ատյանի դատարանի որոշման դեմ, ըստ այդ որոշման՝ Գրիգորյանը 25 միլիոն դրամով ազատ էր արձակվել։
Կարծիքներ