Մարտի մեկը դարձել է քաղաքական դիվիդենդներ շահելու, առ ու ծախի առարկա
Արեւիկ Հակոբյան
1 Մարտ 2019 | 19:13
0
«Մարտի մեկը 3-րդ Հանրապետության դաժան էջերից մեկն է: Այդ հարցն անընդհատ քննարկվում է, որովհետև մինչև հիմա չի բացահայտվել: Ես ուրախ կլինեմ, որ բացահայտվի, եւ մենք շրջենք այդ էջը :Ես նկատում եմ, որ մարտի մեկը դարձել է քաղաքական դիվիդենտներ շահելու, առ ու ծախի առարկա:
Ամենաշատը տուժել են այդ 10 զոհերի ընտանիքները: Ժամանակն անցել է, եւ այդ կիսատ-պռատ դերասանությունը, որ մտածում են այդ ընտանիքների մասին, բլեֆ է»,-այսօր Գյումրու «Երկխոսության մեդիա մամուլի կենտրոնում, Սումգայիթյան ողբերգությանը նվիրված քննարկման ընթացքում ՝ անդրադառնալով մարտիմեկյան դեպքերին, նմանատիպ կարծիք հայտնեց քաղաքագետ Գագիկ Համբարյանը: «Նույն Ռուսաստանում Հոկտեմբերյան հեղափոխություն տեղի ունեցավ, պատկերացնում եք՝ այդ տասնյակ հազարավոր զոհերի ազգականները մինչև հիմա անընդհատ խոսեն այդ մասին:
Ես իհարկե, կրկնում եմ, մեղավորները պետք է պատժվեն, բայց միևնույն ժամանակ դեմ եմ, որ տաս զոհերի ընտանիքների ողբերգությունը վերածվի շոուի, եւ քաղաքական ուժերի համար դիվիդենդներ ձեռք բերելու միջոց դառնա: Պետք չէ անընդհատ շեշտել»,-եզրափակում է քաղաքագետը:
Կարծիքներ