Բժիշկ, ձեր մոտ և՛ վիրահատվելն է լավ ստացվում, և՛ խոսելը․․․

Բժիշկ,  ձեր մոտ և՛ վիրահատվելն է լավ ստացվում, և՛ խոսելը․․․

Համարձակությունը նրա մեջ չէ, ով պաշտոնից հեռացողին  ծաղրում, նսեմացնում է, դրանով իսկ նորերի մոտ իր համար փափուկ տեղ ապահովում։ Համարձակությունը նրա մեջ է, ով այն լավը, որ տեսել է հեռացող պաշտոնյայի մեջ, բարձրաձայնում է։

Ազգային ժողովի նախագահի՝ Արա Բաբլոյանի մասին եմ խոսելու։ Այսօր լրագրողների հետ նրա զրույցը հրաժեշտի ամենալավ օրինակներից էր․

 

«Կարծում եմ ՝ այս դաշտում արեցի այն ամենը, ինչ կարող էի անել, հիմա ավելի լավ է վերադառնամ առողջապահություն, անեմ այն, ինչը շատ լավ եմ անում, ինձ մոտ վիրահատելն ավելի լավ է ստացվում, քան խոսելը»:

Արա Բաբլոյանը անփոխարինելի բժիշկ է։ 1989 թվականին անցել է երիկամի փոխպատվաստման մասնագիտացում Շվեյցարիայում և Բելգիայում ու ինչքա՜ն երեխաների կյանքեր է փրկել․․․ Նրա ծառայությունները մեր աչքի առաջ են։ Ճանաչված, հարգված, սիրված։ Ու այսօր նա ասում է, որ իր մոտ վիրահատվելն ավելի լավ է ստացվում, քան խոսելը։ Իսկ ես կասեի՝ բժիշկ, ձեր մոտ և վիրահատվելն է լավ ստացվում և խոսելը։ Կոռեկտ, զուսպ, հավասարակշռված, գիտակ, դժվարին իրադրություններում կողմնորոշվող․ ուրիշ էլ ի՞նչ էր պահանջվում ԱԺ նախագահից։

Տարբերությունն այն է, որ վիրահատությունից հետո մարդիկ շնորհակալ են լինում․․․

Իսկ այս դեպքում կօգնի Մեծն Սևակը․

Այն էլ զգացի, ցավո՜վ զգացի,

Որ կտըրվելուց հետո է միայն

Երևում ծառի բուն հաստությունը։