Պուտինի հետ հարաբերությունները չե՞ն կարող ազդել Քոչարյանի դատավարության վրա (տեսանյութ)

ԱԺ նախագահ Արարատ Միրզոյանն այսօր լրագրողների հետ զրույցում ասաց, որ ինքը չի ողջունում Ռոբերտ Քոչարյանի հանդիպումը ՌԴ դեսպանի հետ: 

«Կա փաստ, կա վերաբերմունք»,-ասաց նա:

Hraparak.am-ի դիտարկմանը, թե Քոչարյանը ՌԴ նախագահ Վլադիմիր Պուտինի մտերիմն է, և դեսպանի հետ հանդիպումը թերևս անուղղակի կերպով նաև Պուտինի հետ հանդիպում էր ենթադրում, Միրզոյանն ասաց, թե անձական հարաբերություններ աշխարհի վրա բոլորը իրար հետ կարող են ունենալ. «Խոսքը այլ է, երբ վերաբերում է պետությունների միջև հարաբերությունններին: Մեր երկու պետություններիմիջև այս պահին որևէ անլուծելի, կնճռոտ հարց չկա»:

Hraparak.am-ի այն դիտարկմանը, թե Պուտինի հետ հարաբերությունները կարո՞ղ են ազդել Քոչարյանի հանդեպ դատավարության վրա, Միրզոյանն ասաց՝ երբեք: 

Դիտարկմանը, թե ասում են՝ Պուտինը պայման է դրել, որ Քոչարյանը պետք է ազատ արձակվի, և վերջին ազատ արձակումը նաև դրանով էր պայմանավորված, ԱԺ նախագահն ասաց, որ ինքը տեղյակ չէ այդպիսի պայմանից և վստահ է, որ որևէ երկրի իշխանություն իրեն թույլ չի տա ՀՀ իշխանությունների առջև այդպիսի պայման դնել: 

«Դա քաղաքական չի, լուրջ չի»,-ասաց Արարատ Միրզոյանը:

Մանրամասն՝ տեսանյութում: