Լեւոն Երանոսյանի գործով բոլորը տուժողները ներկա չէին, նիստը հետաձգվեց
Երեւանի ընդհանուր իրավասության դատարանի Ավանի նստավայրում այսօր հետաձգվեց ՀՀ նախկին փոխոստիկանապետ Լեւոն Երանոսյանի գործով առաջին դատական նիստը:
Նախագահող դատավոր Հարություն Մանուկյանը նշեց, որ դատական նիստին ներկա չեն բոլոր տուժողներն, այդ իսկ պատճառով նիստը հետաձգվում է եւ նշանակվում հունիսի 11-ին, ժամը 13:00-ին:
Հիշեցնենք, որ 2018 թվականի սեպտեմբերի 26-ին Լևոն Երանոսյանին մեղադրանք էր առաջադրվել ՀՀ քրեական օրենսգրքի 309-րդ հոդվածի 2-րդ և 3-րդ մասերով։ Մեղադրանք էր առաջադրվել հանրորեն վտանգավոր այն արարքների համար, որ նա հատուկ միջոցների գործադրմամբ դիտավորությամբ կատարել է այնպիսի գործողություններ, որոնք ակնհայտորեն դուրս էին եկել իր լիազորությունների շրջանակից և էական վնաս էին պատճառել քաղաքացիների իրավունքներին ու օրինական շահերին, ինչպես նաև անզգուշությամբ առաջացրել էին ծանր հետևանքներ: Երանոսյանը իրեն մեղավոր չի ճանաչում:
Կարծիքներ