Թուրքիայի ափերի մոտ խորտակված ռուսական բեռնանավի անձնակազմի երկու անդամներ զոհվել են
Թուրքիայի ափերի մոտ հունվարի 17-ին Սև ծովում խորտակված ռուսական նավի անձնակազմի առնվազն երկու անդամ է զոհվել։ Ինչպես տեղեկացնում է ՏԱՍՍ-ը, այս մասին հայտնել է Բարտըն նահանգի նահանգապետ Սինան Գյուները:
«Խորտակված բեռնանավում եղել է 13 մարդ, բոլորը Ռուսաստանի քաղաքացիներ են։ Ներկա պահին փրկվել է հինգ մարդ, հայտնաբերվել են երկու զոհվածների մարմիններ», — նրա խոսքը մեջբերում է Anadolu-ն։
Կարծիքներ