«Համասը» հրթիռներ է արձակել այն բանից հետո, երբ Իսրայելը ոչնչացրել է Գազայի երրորդ աշտարակը
Գազայի հատվածը ղեկավարող «Համաս» խմբավորումը հրթիռների նոր հարված է հասցրել Իսրայելին այն բանից հետո, երբ իսրայելական հրթիռները ոչնչացրել էին ափամերձ տարածքում երրորդ աշտարակը:
Գազայի հատվածում ուժեղ ռմբակոծությունները շարունակվել են: «Համաս»-ը հաստատել է, որ Գազայի քաղաքի իր հրամանատար Բասեմ Իսսան սպանվել է իսրայելական ավիահարվածի հետևանքով՝ խմբավորման այլ բարձրաստիճան անդամների հետ միասին:
Գրել է միջազգային «Ալ Ջազիրա» հեռարձակողը։
«Տեղական աղբյուրները հայտնեցին, որ իսրայելական կործանիչները ռմբակոծել են Պաղեստինյան զինված խմբավորումներին պատկանող տեղանքները, ներառյալ՝ անվտանգության և ոստիկանության շենքերից: Գազա քաղաքի Թել ալ-Հավա թաղամասում հղի կին Ռիեմա Թելբանին և նրա երեխան սպանվեցին իրենց տան վրա իսրայելական հարձակման հետևանքով», - գրել է լրատվամիջոցը:
Գազայի առողջապահության նախարարությունը հայտնել է, որ վերջին հարձակողական գործողությունների սկսելուց ի վեր զոհերի ընդհանուր թիվը կազմել է 56, այդ թվում՝ 14 երեխա: 300-ից ավելին վիրավորվել են:
Սպանվել են նաև վեց իսրայելցի, այդ թվում՝ մեկ երեխա: Իսրայելական բանակը հայտնել է, որ Գազայից մոտ 1500 հրթիռ է արձակվել Իսրայելի տարբեր վայրերի ուղղությամբ, և նրանք ուժեր են ավելացրել անկլավի արևելյան հողերի մոտակայքում:
Կարծիքներ