Ճապոնիայում ձնամաքրման աշխատանքների ժամանակ մահացել է 60 մարդ
Ճապոնիայի կառավարությունը արտակարգ ֆինանսական օգնություն կհատկացնի երկրի հյուսիսային շրջաններին, որտեղ չեն բավականացնում ձնամաքրման համար անհրաժեշտ ռեսուրսները։ Ինչպես հայտնում է «ТАСС» լրատվական գործակալությունը, ճապոնական կառավարության ներկայացուցիչ Կաձույոսի Ակաբան հայտարարել է, որ ձնամաքրման աշխատանքների ժամանակ մահացել է վաթսուն մարդ։
Ակաբան նշել է, որ անհրաժեշտ օգնությունը կտրամադրվի, որպեսզի ձեռք բերվեն անհրաժեշտ ռեսուրսները՝ անվտանգ ձնամաքրում իրականացնելու համար, քանի որ զոհերի թիվը կարելի է համարել ռեկորդային։
Հիշեցնենք, որ դեկտեմբերի վերջից ձյան առատ տեղումներ են արձանագրվում Հոնսյու կղզու հյուսիսում եւ Հոկայդո կղզում։ Հայտնի է նաեւ, որ մահացածների մեծ մասը տարեց մարդիկ են։
Կարծիքներ