Արտաքին կողմերը պետք է հեռու մնան հակամարտությունից. Կանադայի ԱԳ նախարար
Կանադայի արտաքին գործերի նախարար Ֆրանսուա-Ֆիլիպ Շամպայնը հեռախոսազրույց է ունեցել Հայաստանի ԱԳ նախարար Զոհրաբ Մնացականյանի հետ։
Տեղեկանում ենք Կանադայի դիվանագիտական գերատեսչության ղեկավարի թվիթերյան հրապարակումից։
Շամպայնը ընդգծել է հրադադարի առաջնայնությունը, կարևորել ստուգման մեխանիզմների ստեղծումը (la création de mécanismes de vérification) հակամարտության գոտում, ինչպես նաեւ նշել, որ արտաքին կողմերը պետք է հեռու մնան հակամարտությունից։
«Ես խոսեցի Զոհրաբ Մնացականյանի հետ: Եկեք առաջնայնություն համարենք հրադադարը Լեռնային Ղարաբաղում՝ զոհերի տառապանքներին վերջ տալու համար:
Մինսկում ԵԱՀԿ համանախագահների կողմից ստուգման մեխանիզմների ստեղծումն առաջնայնություն է: Արտաքին կողմերը պետք է հեռու մնան հակամարտությունից»,- գրել է Կանադայի ԱԳ նախարարը:
Կարծիքներ