Արգենտինացի գիտնականները Անտարկտիդայում բանջարեղեն կաճեցնեն
Արգենտինայի Պատագոնիայի ազգային համալսարանի ագրոտեխնոլովիական կենտրոնի մասնագետները մտադիր են Մարամբիոյի անտարկտիկական կայանում աճեցնել մի քանի տեսակի բանջարեղեն ու խոտաբույսեր։ Այս մասին հայտնում է «ՌԻԱ Նովոստի» լրատվական գործակալությունը։ Ներկայումս ընթանում են այս յուրահատուկ էքսպերիմենտի նախապատրաստական աշխատանքները, պատրաստվում են անհրաժեշտ ենթակառուցվածքները։ Աճեցվելու է ռուկոլլա, մաղադանոս, սալաթ եւ այլ բանջարեղեններ ու խոտաբույսեր, որոնց մեջ լինելու են նաեւ հոտավետ բույսեր։ Ստացված բերքը տրամադրվելու է գիտնականներին, սակայն կարեւոր է հասկանալ, թե ինչ արդյունք կունենա գիտափորձը։
Կարծիքներ