Տեղի ունեցած միջադեպի հետեւանքով «Ծռերի» գործն այսուհետ կքննվի դռնփակ
«Սասնա ծռերի» տասը անդամի գործով նախագահող դատավոր Մեսրոպ Մակյանի որոշմամբ՝ այսուհետ սույն քրեական գործը կշարունակի քննվել դռնփակ կարգով: Դատավորը նման որոշում կայացրեց այն բանից հետո, երբ քիչ առաջ միջադեպ տեղի ունեցավ «Սասնա ծռերի» համակիրների եւ գործով տուժող ճանաչված նախկին ոստիկան Արամ Հովհաննիսյանի ընկերների միջեւ:
Մակյանը քաղաքացիներին հիշեցրեց, որ մի քանի նիստ առաջ կրկին նման որոշում էր կայացրել՝ հասարակական կարգը պահպանելու համար, սակայն հետո իր որոշումը վերանայել է: Նա նաեւ նշեց, որ գործի թափանցիկությունը պահելու համար նիստը բաց կլինի լրատվամիջոցների համար:
Կարծիքներ