Գերմանական կառավարությունում քննարկել են Մերկելի առողջական վիճակը

Գերմանիայի կանցլեր Անգելա Մերկելը, ով նախօրեին չէր կարողանում զսպել ուժեղ դողը՝ Ուկրաինայի նախագահ Վլադիմիր Զելենսկու հետ հանդիպման ժամանակ, այժմ իրեն լավ է զգում։ Այս մասին հայտարարել է գերմանական կաբինետի ներկայացուցիչ Ուլրիկե Դեմերը։ «Մերկելն իրեն հիմա լավ է զգում։ Ուրախ է, որ մասնակցում է ըստ աշխատանքային գրաֆիկի պլանավորած միջոցառումներին»,- ասել է կառավարության ներկայացուցիչը, հավելելով, որ կանցլերի այցը Դրեզդեն ու Գոսլար անցնում է ըստ կազմված գրաֆիկի։ Մերկելը իր վատ զգալը բացատրել էր նրանով, որ ուժեղ շոգին ջրազրկվել էր եւ հիմա իրեն կատարելապես լավ է զգում։