Հելսինկիում կբացվի չիփսերի թանգարան
Հելսինկիում առաջիկայում կբացվի չիփսերի թանգարան։ Այն կգտնվի քաղաքի կենտրոնում՝ Էտու Տեելեի շրջանում։ Ներկայումս իրականացվում է թանգրանի բացման համար նախատեսված գումարի հանգանակությունը համացանցով։ Թանգարանում ցուցանմուշներ են լինելու ինչպես այժմ այսպես ասենք՝ գոյություն ունեցող, այնպես էլ անհետացած, այն է՝ արտադրությունից ինչ ինչ պատճառներով հանված չիփսերը։ Գաղափարի հեղինակները հույս ունեն, որ այդ կերպ կկարողանան հավաքել չիփսերի պատմության ամբողջական արխիվ։ Հանգանակությունը կշարունակվի մինչեւ մարտի վերջ։ Ներկայումս արդեն հավաքվել է հազար եվրո։ Ինչպես հայտնում է Helsingin Uutiset-ը, գաղափարի հեղինակը հիփ-հոփ ոճի կատարող Ֆեդի Կամարին է։ Նա հույս ունի հավաքել հինգ հազար եվրո եւ սկսել թանգարանի ստեղծման աշխատանքները։ Գարնան ընթացքում հավաքվելու է հարյուր տուփ տարբեր համերի չիփսեր, ինչպես ֆիննական, այնպես էլ արտասահմանյան արտադրողներից։ Կամարին հայտարարել է, որ չիփսերի մեծ սիրահար է եւ միշտ ձգտում է նոր համեր փորձել։
Կարծիքներ