Ի՞նչ արժե արտերկրում դեսպանություններ պահելը

Որքա՞ն գումար էր հատկացվել 2018թ․ պետական բյուջեից օտարերկրյա պետություններում ՀՀ դիվանագիտական ներկայացուցչությունների պահպանման ծախսերի համար, եւ որքա՞ն հումար է հատկացվել նույն նպատակով 2019թ․։ Այս հարցը հղեցինք ՀՀ արտգործնախարարության մամուլի խոսնակ Աննա Նաղդալյանին։

«Օտարերկրյա պետություններում ՀՀ դիվանագիտական ներկայացուցչությունների պահպանման ծախսերը ՀՀ պետական բյուջեում հաստատվում են դրամով՝ հիմք ընդունելով նախորդ տարվա նոյեմբերի 1-ի ՀՀ Կենտրոնական բանկի հաստատված դոլարի եւ եվրոյի փոխարժեքը։ 2018թ․ ՀՀ պետբյուջեից հատկացվել է 10,147,375․7 հազար դրամ/ 1 դոլարը՝ 483․06 դրամ եւ 1 եվրոն՝ 562․04 դրամ փոխարժեքներով/։ 2019թ․ ՀՀ պետական բյուջեով հաստատվել է 10,261,990․6 հազար դրամ/ 1 դոլարը՝ 486․55 դրամ եւ 1 եվրոն՝ 553․65 դրամ փոխարժեքներով/»,- մեր հարցին արձագանքեց Աննա Նաղդալյանը։