Մարզպետարանում տեղյա՞կ չեն, որ վարչության պետը աշխատանքից ազատվել է
Մեր տեղեկություններով՝ Կոտայքի մարզպետարանի առողջապահության և սոցիալական ապահովության վարչության պետ Վահագն Ոսկանյանը ազատվել է աշխատանքից, իսկ վարչությունը կհամակարգի մարզպետի օգնական Անի Չիլինգարյանը:
Դեռ ամիսներ առաջ խոսակցություններ կար Ոսկանյանի` աշխատանքից ազատման մասին: Հարցրինք, թե ինչն է եղել աշխատանքից ազատման պատճառը, արդյո՞ք ստիպել են ազատման դիմում գրել, Ոսկանյանն ասաց, «Ո՛չ, ո՛չ ինքս եմ ազատման դիմում գրել»:
Մարզպետի օգնական Անի Չիլինգարյանից հետաքրքրվեցինք, արդյո՞ք ինքն է համակարգելու մարզպետարանի առողջապահության և սոցիալական ապահովության վարչությանը. «Ո՛չ, այս պահին հին մարզպետարանը ունի գործող առողջապահության և սոցիալական ապահովության վարչության պետ»,-եղավ պատասխանը:
Հետաքրքիրն այն է, որ մարզպետարանում տեղյակ չեն, որ առողջապահության և սոցիալական ապահովության վարչության պետը ազատվել է աշխատանքից:
Կարծիքներ