Բացահայտվել են «varks.am»-ի մասնաճյուղերում կատարված ավազակությունն ու կողոպուտները
Ոստիկանության Երևան քաղաքի վարչության քրեական հետախուզության բաժնի ծառայողները ծավալուն օպերատիվ-հետախուզական միջոցառումների արդյունքում պարզել են հունվարի 21-ին Քանաքեռցու փողոցում գտնվող վարկային կազմակրպությունում ավազակություն կատարած և 1.188.000 դրամ հափշտակած անձի ինքնությունը։
Նույն օրը Երևանի Աբովյան փողոցում ոստիկանները հայտնաբերել են Ադամ Բաղդասարյանին ու կասկածանքով բերման ենթարկել ոստիկանության Քանաքեռ-Զեյթունի բաժին։
Հիմնավորվել է ,որ 29-ամյա Բաղդասարյանը հունվարի 5-ին կողոպուտ է կատարել նաև Հալաբյան փողոցում գտնվող նույն վարկային կազմակերպությունում՝ հափշտակելով մոտ՝ 1.500.000 դրամ, իսկ հունվարի 14-ին կողոպուտ է կատարել դարձյալ նույն վարկային կազմակերպության Դավիթաշենում գտնվող մասնաճյուղում՝ այս դեպքում հափշտակելով մոտ 1.800.000 դրամ։
Հիշեցնենք նաև ,որ հունվարի 21-ին Արաբկիր վարչական շրջանի Կոմիտաս, 12 հասցեում գործող «Վարկս ԷյԷմ» կազմակերպության գրասենյակ նույնպես մուտք է գործել անհայտ անձ և այնտեղից հափշտակել 1 միլիոն դրամի չափով գումար:
Կարծիքներ