Վիրավոր դպրոցականը տեղափոխվել է Նոյեմբերյանի բժշկական կենտրոն

Այսօր ժամը 19:00-ի սահմաններում ադրբեջանական կողմը ձեռնարկել է դիվերսիոն ներթափանցման փորձ Տավուշի մարզի Նոյեմբերյանի շրջանի հայկական դիրքերի ուղղությամբ: Հակառակորդը թիրախավորել է Բաղանիս և Ոսկեվան գյուղերը։ Բաղանիս գյուղը գնդակոծվել է 30- 40 րոպե տևողությամբ, դպրոցի ուղղությամբ են կրակել, վնասել գյուղի շատ տների  տանիքները, պատերը։ Այդ մասին հայտնում է գյուղապետը։ Իսկ Ոսկեվան գուղում հակառակորդի  գնդակից  վիրավորվել է   դպրոցական  տղա, ով սովորում է բարձր դասարանում, 14 տարեկան է։  Տղան գտնվել է գյուղի տարածքում, երբ գնդակը դիպել է նրան։  Վիրավոր դպրոցականը  տեղափոխվել է  Նոյեմբերյանի բժշկական կենտրոն։ Այդ մասին հայտնել է Ոսկեվանի վարչական ղեկավար Վոլոդյա Ղազինյանը։ Ունենք նաև երկու զինծառող վիրավոր։