«Հրապարակ»․Նախկին գլխավոր դատախազը՝ նախագահի թեկնածու

«Հրապարակ»․Նախկին գլխավոր դատախազը՝ նախագահի թեկնածու

Նախօրեին հրաժարական ներկայացրեց Արցախի գլխավոր դատախազ Արթուր Մոսիյանը: Հրաժարականի տեքստում նա նշել է, որ Հայ հեղափոխական դաշնակցության կենտրոնական կոմիտեի անդամ ընտրվելն անհամատեղելի է դարձնում իր աշխատանքը գլխավոր դատախազի պաշտոնում, որն ապակուսակցական պաշտոն է։ Տեղեկություն կա, որ Մոսիյանը հնարավոր է ՀՅԴ-ի կողմից առաջադրվի նախագահի թեկնածու։

Հուլիսի 7-ին ՀՅԴ Արցախի կազմակերպության ժողովը դիտարկել է նրա թեկնածությունը, իսկ ժողովից հետո հայտարարվեց, որ ՀՅԴ-ն կմասնակցի նախագահական ընտրություններին։ Այլ մանրամասներ չասվեցին։ Գլխավոր դատախազի պաշտոնում Բակո Սահակյանը դիտարկում է Մոսիյանի տեղակալ Սեւակ Հակոբյանի թեկնածությունը: