Մի շարք հարթակներ դուրս են գալիս ռուսական շուկայից

Wix կայքերի պատրաստման օնլայն հարթակը, Miro ինտերակտիվ հարթակն ու համացանցում համատեղ աշխատանքի Coda հարթակը սեպտեմբերի 12-ից այլեւս չեն գործում Ռուսաստանում։ Վերջին երկու հարթակները նաեւ հեռացել են Բելառուսից։ Wix-ը հայտարարել է, որ օգտահաշվի արգելափակումից հետո բոլոր կայքերը, որոնք պատկանում են վերջինիս, այլեւս կդառնան դիտման համար անհասանելի։

Miro-ն էլ տեղեկացրել է, որ պարտավոր է հետեւել բոլոր այն որոշումներին, որոնք կայացվում են ԱՄՆ եւ ԵՄ կողմից։ Coda-ն եւս հայտնել է, որ հեռանում է Ռուսաստանի դեմ ԱՄՆ եւ ԵՄ սանկցիաների հետեւանքով։ Մի շարք այլ հարթակներ, ինչպիսիք են ClickUp-ն ու Hubspot-ը, նույնպես առաջիկայում կհեռանան ռուսական շուկայից։