Մուլտի Գրուպ Կոնցեռն-ը 2 վարչական հայց ունի քաղաքապետարանի դեմ

Մուլտի Գրոպ Կոնցեռնը 2 վարչական հայց ունի ընդդեմ Երևանի քաղաքապետարանի։ Ընկերության ներկայացուցիչ՝ Ա.Ա.Դ. Հոթել ՓԲԸ-ի գլխավոր տնօրեն Հարություն Շահբազյան,Դավիթ Մանթաշյան կազմով հայցն է, որի պետտուրքը վճարվել է երեկ։

Հայցերից առաջինը քաղաքապետարանի թիվ 50/2-35489 վարչական ակտն անվավեր ճանաչելու,  այն է` Երևանի քաղաքապետի կոմից 19.12.2017թ. տրված 01/18-80609-1266 և 16.02.2018թ. տրված թիվ 01/18-10116-140 շինարարության թույլտվություններում լրացում կատարելու պարտավորեցման մասին է, լրացումով, որ վարչական ակտի անհապաղ կատարումն անհրաժեշտ է` ելնելով հանրային շահերից։

Մյուս պահանջը 02.05.2018թ թիվ Վ/17/11,30.05.2018թ թիվ Վ/20/3 որոշումը և 30.05.2018թ թիվ Վ/20/4 որոշումն անվավեր ճանաչելու և որպես հետևանք 07.06.2018թ Երևանի քաղաքապետարանի աշխատակազմի քաղաքաշինության և հողի վերահսկողության վարչության պետի տեղակալ Ռ.Խոջոյանի և նույն վարչության տարածքային երրորդ բաժնի առաջատար մասնագետ Ասատուր Համբարձումյանի կազմած թիվ 027756 և վարչական վարույթի լսումների մասին արձանագրությունները և 19.06.2018թ Երևանի քաղաքապետարանի աշխատակազմի քաղաքաշինության և հողի վերահսկողության վարչության տարածքային երրորդ բաժնի պետի Նարեկ Գրիգորյանի և նույն բաժնի գլխավոր մասնագետ Ա.Այվազյանի կազմած թիվ 028637,թիվ 028638 և վարչական վարույթի լսումների մասին թվով երկու արձանագրություններն անվավեր ճանաչելու պարտավորեցման մասին է։