«Իրատես». Փաշինյանը՝ թիմակիցներին. Ուշադիր եղեք, որ հանկարծ ԲՀԿ եւ «Լուսավոր Հայաստանի» հարաբերությունները չլարվեն
«Իրատես» թերթը գրում է. «Ասում են, թե ուրբաթ օրը ԱԺ դահլիճում օրենքի խախտմամբ տեղի ունեցած «Իմ քայլը» դաշինքի փակ նիստի ժամանակ պատգամավորները սովորել են քվեարկության կոճակներից օգտվելու փոքր քայլերի արվեստը, ունկնդրել Նիկոլ Փաշինյանի հունվարյան հեղափոխական թեզիսները, որի ընթացքում, ի շարս այլ հարցերի, իր բազմաբնույթ պատգամավորական լսարանին Փաշինյանը հարկ է համարել զգուշացնել.
«ԱԺ ամբիոնը ճիշտ օգտագործեք. այս ամբիոնը շատ կարեւոր նշանակություն ունի, մենք այս ամբիոնով ենք հասել հաջողության: Խնդրում եմ նաեւ ուշադիր լինել, որ հանկարծ ԲՀԿ եւ «Լուսավոր Հայաստան» կուսակցությունների հարաբերությունները չլարվեն»: Վերջին «հեղափոխական կոչն» ուղղված է եղել ԱԺ ղեկավարությանը, որպեսզի այն կարողանա իրավիճակը վերահսկել:
«Չի ստացվի, «Իմ քայլի» խորհրդարանական ղեկավարությունում մեկը մեկից արտառոց ֆիգուրներ են, ֆորսմաժորների պակաս չենք ունենալու»,- ասաց ԱԺ հնաբնակ մեր զրուցակիցը»:
Առավել մանրամասն՝ թերթի այսօրվա համարում
Կարծիքներ