«ՊՍԺ»-ն պատրաստ է Մբապեին դարձնել ամենաթանկ վճարվող խաղացողը

Ֆրանսիական «Պարի Սեն-Ժերմեն» ակումբի ղեկավարությունը չի ցանկանում բաժանվել իր հարձակվող Կիլիան Մբապեի հետ եւ պատրաստ է նրան դարձնել ամենաթանկ վճարվող մարզիկը։ Այս մասին հայտնում է իսպանական El Pais-ը։ Այդ քայլը միտում ունի փակել բոլոր դռները Մբապեի՝ «Մանչեսթեր Յունայթեդ» տեղափոխման հետ կապված։ Երիտասարդ ֆուտբոլիստի աշխատավարձը կարող է հասնել մինչեւ 50 միլիոն եվրո։ Հանուն Մբապեի ֆրանսիացիները նույնիսկ պատրաստ են Նեյմարին զիջել «Բարսային»։ Նշենք, որ այժմ ամենաթանկ վճարվող մարզիկի տիտղոսը կրում է Լիոնել Մեսսին, ում տարեկան աշխատավարձը կազմում է 40 միլիոն դոլար։