Շրի Լանկայում զոհերի թիվը մոտենում է 300-ի
Hraparak
22 Ապրիլ 2019 | 13:30
0
Երեկ՝ Զատկի օրը, Շրի Լանկայում տեղի ունեցած ահաբեկչական պայթյունների հետ կապ ունենալու կասկածանքով ձերբակալվել է 24 մարդ։ Այս մասին հայտնում է News 1st-ը։ Մինչ այս, հաղորդվում էր 13 ձերբակալվածի մասին։
Ձերբակալվածները գտնվում են ոստիկանության՝ քրեական հետախուզության մեկուսարաններում։ Մինչ այս հայտնի է դարձել, որ ահաբեկչական բռնարարքների հետեւանքով զոհերի թիվը մոտենում է 300-ի սահմանին եւ կազմում է ավելի քան 290 մարդ։
Զոհերի թվում են բազմաթիվ օտարերկրացիներ, ԱՄՆ, Չինաստանի, Հնդկաստանի, Մարոկոյի, Ճապոնիայի, Դանիայի եւ այլ երկրների քաղաքացիներ։ Մոտ 500 մարդ էլ ստացել է տարբեր ծանրության վնասվածքներ եւ հոսպիտալացվել։ Տեղի ոստիկանությունը հայտնում է, որ զոհերի եւ տուժածների հետ կապված թվերը կարող են փոփոխվել։ Միաժամանակ նաեւ իշխանությունները հորդորում են դեռեւս զերծ մնալ Շրի Լանկա այցելությունից։
Կարծիքներ