Ճապոնիան երկրորդ փորձից վարչապետ է ընտրել

Խորհրդարանի ստորին պալատի քվեարկության երկրորդ փուլի արդյունքներով Ճապոնիայի նոր վարչապետ է ընտրվել Սիգերու Իսիբան, հայտնում են այդ երկրի ԶԼՄ-ները:

Երկրորդ փուլում վարչապետի պաշտոնի համար պայքարում էին կառավարության ներկայիս ղեկավար Սիգերու Իսիբան և Սահմանադրական դեմոկրատական ​​կուսակցության գլխավոր ընդդիմադիր ուժի առաջնորդ Յոսիհիկո Նոդան։
Վարչապետի ընտրության քվեարկությունը անհրաժեշտ է դարձել հոկտեմբերի 27-ին խորհրդարանի ստորին պալատի պատգամավորների համընդհանուր ընտրություններից հետո։ 

Լիբերալ-դեմոկրատական ​​կուսակցության և Կոմեյտո կուսակցության իշխող կոալիցիայի ընտրությունները ձախողվեցին. այն չկարողացավ ստանալ կեսից ավելին՝ պալատի 465 մանդատներից 233-ը։ 

Առաջին փուլում ընտրվելու համար անհրաժեշտ էր ստանալ կեսը՝ ստորին պալատի պատգամավորների 465 ձայնից 233-ը։ 

Այսպիսով, 1994 թվականից հետո 30 տարվա մեջ առաջին անգամ և պատմության մեջ չորրորդ անգամ վարչապետ չընտրվեց ընտրությունների առաջին փուլում։