Եթե խորհուրդը լավն է, կարևոր չէ, թե ով է այն տվել
Թանկարժեք քարը ցեխի մեջ էլ պահպանում է իր արժեքը:
ԲՅՈՐՆԵ
Զորավարը պետք է մահանա կանգնած:
ՎԵՍՊԱՆՍԻԱՆՈՍ
Հասկանալու համար, որ երկինքն ամեն տեղ կապույտ է, պետք չէ շուրջերկրյա ճանապարհորդություն կատարել:
ԳՅՈԹԵ
Կշտամբելուց հետո խրախուսելը նման է անձրևից հետո արևին:
ԳՅՈԹԵ
Պետք չէ ասել այն ամենը, ինչ գիտես, բայց միշտ պետք է իմանալ, թե ինչ ես խոսում:
ԿԼԱՎԴԻՈՒՍ
Կլոր սեղանի շուրջը տեղի համար չեն վիճարկում:
Թ. ՖՈՒԼԼԵՐ
Մեջբերումներից հարկավոր է օգտվել միայն այն ժամանակ, երբ իրոք չես կարող յոլա գնալ առանց ուրիշի հեղինակության:
ՇՈՊԵՆՀԱՈՒԵՐ
Մարդկանց մոտ հեղինակություն ձեռք բերելու հաստատ միջոցը նրանց օգտակար լինելն է:
ԷԲՆԵՐ–ԷՇԵՆԲԱԽ
Հույս մի դնիր դյուրաբորբոք ընկերոջ վրա, նույնիսկ եթե նա բնավորությամբ բարի մարդ է:
ԱԲՈՒ-Լ-ՖԱՐԱՋ
Աշխատիր, երբ տխուր ես. դա տխրությունը փարատելու միակ միջոցն է:
ԲԵԽԵՐ
Եթե ցանկանում ես խելացի պատասխան ստանալ, խելացի հարց տուր:
ԳՅՈԹԵ
Ունկնդրեք նրանց խորհուրդներին, ովքեր շատ գիտեն, բայց ամենից առաջ նրանց, ովքեր ձեզ շատ սիրում են:
Ա. ԳՐԱՖ
Եթե դու զայրացած ես, նախքան խոսելդ հաշվիր մինչև տասը, եթե խիստ զայրացած ես, հաշվիր մինչև հարյուրը:
ԹՈՎՄԱՍ ՋԵՖԵՐՍՈՆ
Մի հավատա այն մարդուն, որը բոլորի մասին լավ կարծիք է հայտնում:
ՔՈԼԻՆԶ
Ձեր մասին մի խոսեք, դա կանեն ուրիշները, երբ դուք հեռանաք:
ՄԻԶՆԵՐ
Խորհրդածիր այն ամենի մասին, ինչ կլսես, բայց հավատա միայն այն բանին, որը ստուգել ես:
ՊՈՒԲԼԻԼԻՈՍ ԱՍՈՐԱՑԻ
Իրավացին պետք է ժպտա, այլ ոչ թե զայրանա:
ՌԻՎԱՐՈԼ
Ապրեք այնպես, որ ձեզ համար ամոթ չլինի տնային թութակը վաճառել քաղաքի գլխավոր բամբասողին:
ՌՈՋԵՐՍ
Նախքան խոստանալը` մտածիր, բայց եթե արդեն խոստացել ես` կատարիր:
ՍԵՆԵԿԱ ԿՐՏՍԵՐ
Իբրև ողորմություն մի խնդրիր այն, ինչը կարող ես ուժով ձեռք բերել:
ՍԵՐՎԱՆՏԵՍ
Միշտ գեղեցիկ ու ազնիվ է սխալները խոստովանելը:
ՍԵՏԵՄԲՐԻՆԻ
Հրամայելուց առաջ սովորիր ենթարկվել:
ՍՈԼՈՆ
Ամեն մեկն իրավունք ունի դատապարտել պորտաբույծին:
ՍՈԼՈՆ
Ամենից դժվարն ինքն իրեն ճանաչելն է, ամենից հեշտը` ուրիշներին խորհուրդներ տալը:
ԹԱԼԵՍ
Եթե խորհուրդը լավն է, կարևոր չէ, թե ով է այն տվել:
Թ. ՖՈՒԼԼԵՐ
Թթու խաղողից երբեք քաղցր գինի չի ստացվի:
Թ. ՖՈՒԼԼԵՐ
Նյութի աղբյուր` Հետաքրքիր, իմաստալի աշխարհ, կազմեց` Հայրապետ Կնյազյանը, Երևան, 1976:
Հրապարակեց` Կարապետ Հակոբյանը
Կարծիքներ