Թուրքիան առաջիկա ամիսներին կսկսի «Զանգեզուրի միջանցքի»՝ իր տարածքով անցնող հատվածի աշխատանքները․ թուրք նախարար
Թուրքիան առաջիկա ամիսներին կսկսի այսպես կոչված՝ «Զանգեզուրի միջանցքի» 224 կիլոմետրանոց հատվածի աշխատանքները, որն անցնում է իր տարածքով։
Ինչպես հայտնում է թուրքական Anadolu գործակալությունը, այս մասին հայտարարել է Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն՝ ելույթ ունենալով Ստամբուլի տեխնիկական համալսարանում։
Նա նշել է, թե Ադրբեջանը նույնպես շարունակում է աշխատանքներն այս ուղղությամբ։
«Թուրքիան այս երթուղու առանցքային երկրներից մեկն է (նկատի ունի Միջին միջանցքը- խմբ.): Պատմականորեն այս երթուղին մեծ նշանակություն է ունեցել: Այսօր մենք ցանկանում ենք ուժեղացնել դրա ներուժը»,- հավելել է Ուրալօղլուն:
Կարծիքներ