Սերբերը եկել ու օգնել են հայերին․ «Kharabakh is Armenia, Kosovo is Serbia»
Չեմպիոնների լիգայի որակավորման երրորդ փուլի պատասխան խաղում «Փյունիկը» երեկ Երևանում պարտվեց սերբական «Ցրվենա Զվեզդային»: Հայկական ակումբը արտագնա խաղում զիջել էր մրցակցին խոշոր 5-0 հաշվով։ Այսպիսով, Փյունիկը դիմակայությունում պարտվեց 0:7 հաշվով ու կխաղա Եվրոպա լիգայի փլեյ-օֆֆում: Խաղասկզբում հյուսիսային տրիբունայի անմիջական հարևանությամբ՝ արևելյան տրիբունայում հայ երկրպագուներից մի քանիսը պաստառ բացեցին, որի վրա գրված էր «Kharabakh is Armenia, Kosovo is Serbia»: Պաստառը մեծ ոգևորություն առաջացրեց հայ ու սերբ երկրպագուների մոտ:
«Երեկ «Փյունիկի» խաղի ժամանակ, երբ պաստառը բացեցինք` «Արցախը Հայաստան է, Կոսովոն` Սերբիա», անվտանգության աշխատակիցները մոտիկացան և փորձին պաստառը տանեն։Ինձ օգնության գիտե՞ք՝ ովքեր հասան, սերբերը։ Սերբերը եկան կողքս կանգնեցին ու չթողին պաստառը տանեն,իսկ հայերը...»,- պատմում է Հակոբ Բերբերյանը։
Նշենք նաև, որ երկրորդ խաղակեսի սկզբում մի խումբ երկրպագուներ պաստառները պարզած մտան խաղադաշտ, որի վրա գրված էր՝ «Աղավնոն չենք հանձնելու»։
Կարծիքներ