Բաքուն բացատրություն է պահանջում Թեհրանից

Ադրբեջանը սպասում է 2023 թվականի հունվարին Իրանում Ադրբեջանի դեսպանատան վրա կատարված ահաբեկչության հետաքննության արդյունքներին, և մենք այդ մասին բացահայտ հայտարարել ենք իրանական կողմին։ 

Այս մասին լրագրողներին տված հարցազրույցում հայտարարել է Ադրբեջանի արտգործնախարար Ջեյհուն Բայրամովը։

«Իրանական կողմի տրամադրած տեղեկությունների համաձայն՝ քրեական գործի հետաքննությունը շարունակվում է, ուստի կոնկրետ արդյունքների մասին դեռ վաղ է խոսել։

Մենք կարծում ենք, որ այս իրադարձությունը շատ բացասական ազդեցություն ունեցավ երկու երկրների հարաբերությունների վրա։ Միաժամանակ իրանական կողմից մի քանի հարցում ենք ստացել՝ կապված մեր դիվանագիտական ​​ներկայացուցչության գործունեության վերսկսման հետ։ Սակայն այս հարցերը փոխկապակցված են, և ադրբեջանական կողմը պետք է միանգամայն վստահ լինի, որ հանցագործները, պատվիրատուները պատասխանատվության կենթարկվեն և խստագույնս կպատժվեն։ Բոլոր համապատասխան երաշխիքները ադրբեջանական կողմին պետք է տրվեն ոչ թե խոսքով, այլ գործով»,- ասել է Բայրամովը։