Ի՞նչ ադրբեջանական համայնք, այ ընկեր. Շարմազանով

ՀՀԿ խոսնակ Էդուարդ Շարմազանովը ֆեյսբուքյան իր էջում գրում է՝ 

«Ի՞նչ ադրբեջանական համայնք, այ ընկեր

Երբ 1.5 տարի առաջ պնդում էի, որ Նիկոլ Փաշինյանի դեմքով Հայաստանում իշխանության են եկել Լևոն Տեր-Պետրոսյանի միակողմանի փուլային զիջումների կողմնակիցները, շատերը չէին հավատում:

Այսօր արդեն, ՀԱԿ-ի ներկայացուցիչները ուղիղ հայտարարում են, թե Փաշինյանը ցանկանում է վերադարձնել տեր-պետրոսյանական ֆորմատը, իսկ Իմ քայլի պատգամավորներից մեկն էլ հայտարարում է Փաշինյանի համաձայնության մասին, որ, այսպես կոչված, ադրբեջանական համայնքը Աիևի հետ մասնակցի բանակցություններին:
Բա մեկը չկա՞ ասի՝ ինչ ադրբեջանական համայնք, այ ընկեր:
Սա միչհամայնքային վեճ չէ, սա ինքնորոշման իրավունքի իրացման հարց է:

Հ.Գ.
Փաստորեն, երբ ժամանակին Փաշինյանը արտաբերում էր Ղարաբաղի հայեր եզրույթը, պատահականություն չէր, նա գիտեր, որ մի օր համաձայնելու է, այսպես կոչված, ադրբեջանական համայնքի մասնակցությանը բանակցություններին:

Հ.Հ.Գ.
Սա է էականը: Թե չէ Jingle bells-ից եք խոսում»: