Պուտինը Ստամբուլ չի մեկնի՝ չնայած Զելենսկին սպասում է, Թրամփը կազդի՞ որոշման վրա

Ռուսաստանի նախագահ Վլադիմիր Պուտինը չի ծրագրում մայիսի 15-ին այցելել Ստամբուլ։ Այս մասին հայտնում է Gulagu.net նախագիծը՝ հղում անելով Դաշնային անվտանգության ծառայությանը մոտ կանգնած աղբյուրին։

Նրա խոսքով՝ «նախագահական անվտանգության ծառայությունը» չի նախապատրաստում ուղևորությունը։

Միաժամանակ, «Ռուսաստան» հատուկ թռիչքային ջոկատի ինքնաթիռը պատրաստվում է Ստամբուլ մեկնելու՝ արտգործնախարար Սերգեյ Լավրովի և նախագահի օգնական Յուրի Ուշակովի համար։

Աղբյուրը չի բացառել, որ Պուտինի և ԱՄՆ նախագահ Դոնալդ Թրամփի միջև անսպասելի անձնական համաձայնության դեպքում որոշումը կարող է փոխվել ցանկացած պահի։ 

Սակայն մայիսի 15-ի առավոտյան Պուտինի գրաֆիկը ներառում է Կրեմլում հանդիպումներ։

Ավելի վաղ Ուկրաինայի նախագահ Վլադիմիր Զելենսկին հայտարարել է, որ պատրաստ է ուղիղ բանակցել Պուտինի հետ: Նա նաև ասել է՝ Թուրքիայում կսպասեմ Պուտինին: