Ադրբեջանն ու Իսրայելը խորացնում են ռազմական կապերը

Ադրբեջանի պաշտպանության նախարար Զաքիր Հասանովն ընդունել է պաշտոնական այցով Ադրբեջանում գտնվող Իսրայելի պաշտպանության նախարարության գլխավոր տնօրեն Էյալ Զամիրի գլխավորած պատվիրակությանը։
Այս մասին հայտնում են ադրբեջանական ԶԼՄ-ները՝ երկրի ՊՆ-ին հղումով։

Հասանովը գոհունակություն է հայտնել ադրբեջանա-իսրայելական հարաբերությունների ներկա բարձր մակարդակի կապակցությամբ։

Զամիրն, իր հերթին, ընդգծել է նման հանդիպումների և փոխայցելությունների կարևորությունը առկա համագործակցության հետագա ընդլայնման տեսանկյունից։

Հանդիպմանը մտքերի փոխանակություն է տեղի ունեցել Ադրբեջանի և Իսրայելի միջև պաշտպանական համագործակցության շուրջ։