Պաշտպանության Բանակի հայտարարությունը

Պն մամուլի խոսնակ Շուշան Ստեփանյանի գրառումը, որ COVID-19 թեստավորման համար նմուշառում է իրականացվել երեք զինծառայողներից, բնականաբար անհանգստացրել է Բանակում զինվոր ունեցողներին։ միայն մի գրառում եմ ներկայացնում, որ կներկայացնի հարազատների անհանգստության չափը․

Yeva Navasardyan Դուք պատկերացնու՞մ եք, թե քանի ծնող է այս պահին խելագարվում։

ՊՆ մամուլի խոսնակին ուղղված հարցերը շատ են , ու նա համբերատար պատասխանում է․  

Ռոբերտ Ղևոնդյան Իսկ զինվորը ընտանիքի հետ վերջին շրջանում շփում ունեցե՞լ է։

Shushan Stepanyan զինվոր չէ, պայմանագրային զինծառայող է․․․ այո, ունեցել է

Zara Mkrtchyan վայ, ես վատացա

Shushan Stepanyan  վատանալու կարիք չկա, իրավիճակը վերահսկվում է, ամեն բան կարգին է

Heghine Sahakyan Shushan Stepanyan Հայաստանու՞մ է,  թե Արցախում։

Shushan Stepanyan Heghine Sahakyan ՀՀ զինված ուժեր

Ի վերջո ՊՆ մամուլի խոսնակը ներկայացնում է Պաշտպանության Բանակի հայտարարությունը․

Պաշտպանության Բանակ

2 hrs ·

Սիրելի հայրենակիցներ.

Ըստ մեզ հասած տեղեկությունների, քաղաքացիների շրջանում լուրեր են պտտվում առ այն, թե իբր Պաշտպանության բանակում արձանագրվել են նոր տիպի կորոնավիրուսից զինծառայողների վարակման դեպքեր:

Արցախի Հանրապետության պաշտպանության նախարարությունն ամենայն պատասխանատվությամբ հայտարարում է, որ շրջանառվող լուրերն անհիմն են և որևէ աղերս չունեն իրականության հետ: Պաշտպանության բանակում առայսօր կորոնավիրուսով հիվանդության ախտանիշով դրական դեպք չի գրանցվել:

Միաժամանակ իրազեկում ենք, որ բանակի համապատասխան ծառայությունները բոլոր զորամասերում և ստորաբաժանումներում պարբերաբար իրականացնում են համաճարակի կանխարգելմանն ուղղված համալիր միջոցառումներ՝ զինծառայողների շրջանում վարակի տարածումը կանխելու համար:

Կոչ ենք անում մեր բոլոր համաքաղաքացիներին դրսևորել պատասխանատվության բարձր գիտակցություն, զերծ մնալ երկրի պաշտպանական ոլորտի մասին սոցիալական տարբեր հարթակներում չճշտված տեղեկություններ տարածելուց և հետևել բացառապես պաշտոնական լրահոսին: