Շակիրան խոսել է Պիկեի հետ բաժանման մասին

Շակիրան խոսել է Պիկեի հետ բաժանման մասին

Շակիրան ELLE ամսագրին տված նոր հարցազրույցում առաջին անգամ մանրամասն խոսել է Ժերար Պիկեի հետ 12 տարվա հարաբերություններից հետո իր բաժանության մասին։ Նա նկարագրել է ամուսնուց բաժանվելը որպես «անհավանական ծանր ժամանակաշրջան»: 45-ամյա երգչուհին խոստովանել է, որ միտումնավոր ոչ մի մեկնաբանություն չի տվել այն բանից հետո, երբ այս տարվա հունիսի սկզբին ընտանեկան տարաձայնությունների մասին լուրերը հայտնվել են աշխարհի բոլոր տաբլոիդների վերնագրերում։

«Դժվար է խոսել այդ մասին, հատկապես այն պատճառով, որ ես դեռ ցավում եմ ու անընդհատ հանրության աչքի առջեւ եմ գտնվում: Մեր բաժանումը սովորական բաժանման նման չէ։ Դժվար էր ոչ միայն ինձ, այլեւ երեխաներիս համար։ Անհավանական դժվար»,- նշել է Շակիրան։ Նա հավելել է, որ պապարացիները բառացիորեն գիշերում են իր տան մոտ, քանի որ հարց է ծագել 9-ամյա Միլանի եւ 6-ամյա Սաշայի խնամակալության վերաբերյալ։

Շակիրան բաժանման պատճառներից մեկը համարում է նրանց երկուսի կարիերայի հանդեպ նկրտումները։ Նրանք պետք է ընտրություն կատարեին՝ տեղափոխվել Միացյալ Նահանգներ, որպեսզի երգչուհին շարունակի ազատ աշխատել երաժշտական ​​ոլորտում, կամ մնալ Բարսելոնայում, որտեղ մարզիկը խաղում է ֆուտբոլային ակումբում։

«Այդ երկուսից մեկը պետք է ջանք գործադրեր եւ զոհաբերություն աներ։ Եվ ես դա արեցի՝ իմ կարիերան երկրորդ պլան մղելով: Ես տեղափոխվեցի Իսպանիա՝ աջակցելու Ժերարին, որպեսզի նա կարողանա ֆուտբոլ խաղալ եւ չեմպիոնական տիտղոսներ նվաճել: Դա հանուն սիրո իմ զոհաբերությունն էր»,- ընդգծել է Շակիրան։