Ընդդիմությունը պատժում է երկիրը, նրանց նպատակը Վրաստանի հետընթացն է. Կոբախիձե

Ընդդիմության ներկայացուցիչները ցույց են տալիս իրենց դեմքը, պատժում են երկիրը, հետ են տանում երկիրը. սա է նրանց նպատակն ու շահը, թեև այսքան ժամանակ տեսնում եք, որ նրանք չեն կարողացել պատժել մեր երկրին, մեր պետությանը: Այս մասին Դուբայում վրացի լրագրողներին ասել է Վրաստանի վարչապետ Իրակլի Կոբախիձեն, հայտնում է այդ երկրի Առաջին ալիքը:

Ինչպես նշել է կառավարության ղեկավարը, պետությունը շարունակում է զարգանալ բոլոր ուղղություններով, և ակտիվ աշխատանքներ են տարվում երկիրն առաջ տանելու ուղղությամբ, այդ թվում՝ հատուկ շեշտադրումով տնտեսության զարգացման վրա։

«Այն, ինչ այս ամբողջ ընթացքում հետապնդում էր ընդդիմությունը, հակապետական ​​քաղաքականության շարունակությունն է։ Իրենք իրենց դեմքն են ցույց տալիս՝ պատժելով երկիրը, հետընթաց են անում, սա է իրենց նպատակն ու շահը, բայց այսքան ժամանակ, տեսեք, չեն կարողացել պատժել մեր երկրին, մեր պետությանը։ 
Պետությունը շարունակում է զարգանալ բոլոր ուղղություններով։ Մենք ակտիվորեն աշխատում ենք երկիրն առաջ տանելու ուղղությամբ՝ հատուկ շեշտադրելով տնտեսական զարգացումը։ Ամեն ինչ արվելու է, որպեսզի մեր բնակչությունն ավելի լավ ապրի, քան այսօր։ Տնտեսությունն աճում է, բայց մեզ դեռ չի կարող բավարարել ստեղծված իրավիճակը։ 

Մենք ցանկանում ենք հասնել զարգացած երկրների չափանիշներին, և դրա համար անհրաժեշտ է անշրջելի և անկաշկանդ զարգացում։ «Կան ուժեր, որոնք փորձում են արհեստական ​​խոչընդոտներ ստեղծել մեր երկրի զարգացման ճանապարհին, սակայն դա նրանց չի հաջողվի»,- ասել է Իրակլի Կոբախիձեն։