Թրամփի առաջարկներն Էրդողանի «սրտով» չեն

Թուրքիայի նախագահ Ռեջեփ Թայիփ Էրդողանը հայտարարել է, որ Գազայի հատվածի վերաբերյալ ԱՄՆ-ի առաջարկները «ուշադրության արժանի» չի համարում։

«Մեր տեսանկյունից ուշադրության կամ քննարկման արժանի ոչինչ չկա սիոնիստական ​​լոբբիի ճնշման ներքո ամերիկյան նոր վարչակազմի կողմից Գազայի հետ կապված առաջարկությունների մեջ։ Սրանք բոլորը Գազայում անհանգստություն առաջացնելու փորձեր են»,- լրագրողներին ասել է Էրդողանը։

Թուրքիայի նախագահն ասել է, որ պաղեստինյան ՀԱՄԱՍ շարժումը հավատարիմ է մնում իր խոսքին՝ կատարելով հրադադարի համաձայնագրի պայմանները։

Հիշեցնենք՝ Թրամփն օրերս հայտարարեց Գազայի հատվածը վերահսկողության տակ վերցնելու իր մտադրության մասին այն բանից հետո, երբ պաղեստինցիները այնտեղից վերաբնակեցվեն հարևան երկրներ, մասնավորապես՝ Եգիպտոս և Հորդանան։ Իսրայելի վարչապետ Բենիամին Նեթանյահուի հետ մամուլի ասուլիսում նա խոստացել է, որ Միացյալ Նահանգները պատասխանատու կլինի տարածաշրջանի վերականգնման և աշխատատեղերի ստեղծման, ինչպես նաև չպայթած զինամթերքի և այլ զենքերի սպառնալիքի վերացման համար: