Մրցույթը հայտարարելուց հետո ես անպայման կհետևեմ նախարարի հորդորին․Դիանա Գալոյան
ԿԳՄՍ նախարար Արայիկ Հարությունյանը ֆեյսբուքյան ուղիղ եթերում անդրադարձել էր Հայաստանի պետական տնտեսագիտական համալսարանի շուրջ խոսակցություններին։ Նա ասել է, որ ՀՊՏՀ-ում առաջիկա օրերին կհայտարարվի մրցույթ:
«Ես հիմա ռեկտորի պաշտոնակատար Դիանա Գալոյանին կոչ եմ անում և հորդորում, որ ելնելով այս բոլոր գործընթացներից, հավասար պայմաններ ապահովելու, տարբեր ասեկոսեներից զերծ մնալու համար հրաժարվի ՀՊՏՀ ռեկտորի պաշտոնակատարի պաշտոնից՝ դրանով վերջնականապես զրոյացնելով և թույլ չտալով, որ որևէ կերպ մրցույթը ստվերվի»,- ասել է նա։
Դիանա Գալոյանից հետաքրքրվեցինք՝ հրաժարական ներկայացնելո՞ւ է, թե՞ ոչ․
«Մրցույթը հայտարարելուց հետո ես անպայման կհետևեմ նախարարի հորդորին»,- պատասխանեց Գալոյանը։
Կարծիքներ