Հայտնաբերվել են թույն արտանետող կարիճներ

Գիտնականները Հարավային Ամերիկայում հայտնաբերել են թույն կրակող կարիճներ։ Սրանք այդ դասակարգի՝ Հարավային Ամերիկայում հայտնաբերված առաջին կարիճներն են։ Մինչ այս, գիտությանը թույն կրակող երկու կարիճի տեսակ է հայտնի եղել, որոնք ապրել են Աֆրիկայում եւ Հյուսիսային Ամերիկայում։ Այս մասին գրում է Zoological Journal of the Linnean Society (ZJLS) հանդեսը։ Թույն կրակող կարիճները հայտնաբերվել են Կոլումբիայի տարածքում, Մագդալենա լեռնային շրջանում։ Այն կոչվել է Tityus achilles։
Կարիճների մեծ մասն իրենց թույնը ներարկում են պոչի օգնությամբ խայթելով, սակայն այս տեսակի կարիճը կարող է իր թույնը կրակել մինչեւ 36 սմ հեռավորության վրա։ Այս կարողությունը Tityus achilles-ը օգտագործում է ինքնապաշտպանության համար։ Հիմնականում թիրախավորում է հակառակորդի աչքն ու քիթը, որտեղ հյուսվածքներն առավել զգայուն են։
Կարծիքներ