Գոռ Վարդանյանն ինձ փրկել է. երբեմնի «թշնամիները» հաշտվել են

«Արժանապատիվ Հայաստան» կուսակցության ղեկավար, նախկինում «Երկիր Ծիրանիի» անդամ Մարինա Խաչատրյանը եւ դերասան, Տարոն Մարգարյանի նախկին խորհրդական Գոռ Վարդանյանը հաշտվել են, մոռացել` իրար հասցրած վիրավորանքները։ Երեկ տեղի ունեցած Դուքենդո ֆեդերացիայի Հայաստանի առաջնությանը ներկա է եղել նաեւ Խաչատրյանը, որը սերտիֆիկատ է հանձնել Գոռ Վարդանյանին` որպես ազգային ֆեդերացիայի պատվաոր անդամ։

Նա նշել է, որ 2017 թվականի դեպքի օրը Վարդայանը իրեն փրկել է։ Հիշեցնենք, որ փետրվարի 13-ին, երբ դեռ «Երկիր Ծիրանին» Երեւանի քաղաքապետարանում ավագանու 3 մանդատ ուներ, այդ օրը ծեծկռտուք տեղի ունեցավ ՀՀԿ եւ ԵԾ խմբակցությունների ավագանու անդամների միջեւ։ Մարինա Խաչատրյանը կոյուղաջրով լի բանկան փորձեց մոտեցնել Տարոն Մարգարյանին, սակայն դա կանխեցին ՀՀԿ-ական ավագանու անդամները, դրան խառնվեց Գոռ Վարդանյանը։ Մարինա Խաչատրյանի պնդում էր` Վարդանյանը իրեն հարվածներ է հասցրել այդ ընթացքում։ Նշենք նաեւ, որ Մարինա Խաչատրյանը վերջերս լքեց ԵԾ-ն` պատճառաբանելով , թե գաղափարական տարաձայնություններ ունի Զարուհի Փոստանջյանի հետ։