Աշխարհագրությունը մեր ընդհանուր ճակատագիրը որոշող ամենակարեւոր գործոնն է, երբեմն, ինչպես հիմա, այս ճակատագիրը կերտվում է տառապանքով:
Այս մասին թվիթերյան իր միկրոբլոգում գրել է հայ-թուրքական հարաբերությունների կարգավորման գործընթացում Անկարայի հատուկ ներկայացուցիչ Սերդար Քըլըչը՝ անդրադառնալով ՀՀ ԱԳ նախարար Արարատ Միրզոյանի՝ Թուրքիա կատարած այցին։
Պաշտոնյան գրառմանը կից նաև լուսանկարներ է հրապարակել Արարատ Միրզոյանի դիմավորումից։
«Տարածաշրջանի երկրների միջև դրսևորված մարդասիրական համերաշխությունը լավագույն դեղամիջոցն է այս տառապանքը մեղմելու համար։ Ինչպես տարածաշրջանի բոլոր երկրները, այնպես էլ Հայաստանը, առանց վարանելու կանգնեց թուրք ժողովրդի կողքին»,- գրել է Քըլըչը։
Հիշեցնենք, որ այսօր Թուրքիա է այցելել ՀՀ ԱԳ նախարար Արարատ Միրզոյանը, ով թուրք պաշտոնակից Մևլյութ Չավուշօլուի հետ հանդես է եկել համատեղ մամուլի ասուլիսով։
