Գավառում քաղաքացիների հետ հանդիպման ժամանակ «Լուսավոր Հայաստան» կուսակցության առաջնորդ Էդմոն Մարուքյանը հանդես է եկել քաղաքական ելույթով՝ քննադատելով իշխանությունների վարած քաղաքականությունը։
Մարուքյանը հայտարարել է, որ, իր գնահատմամբ, Հայաստանի իշխանությունները վերանայում են հայ ժողովրդի պատմության ընկալումները և որոշ դեպքերում հրաժարվում են դրանցից՝ ընդունելով Ադրբեջանի և Թուրքիայի կողմից առաջ քաշվող թեզերը։
Մարուքյանը նշել է, որ իր քաղաքական ուժի նպատակն է կանխել որևէ քաղաքական ուժի բացարձակ իշխանության կենտրոնացումը և ապահովել տարբեր ուժերի մասնակցությամբ ձևավորված խորհրդարան, որտեղ հնարավոր կլինի ընտրել փոխզիջումային վարչապետ։
