«Դոմ-2» նախագծի նախկին մասնակից Փիլիպ Չուբուկովը վայր է ընկել մոսկովյան շենքի 6-րդ հարկից։
Այս մասին հաղորդում է Life Shot-ի թելեգրամյան ալիքը։ Դեպքը տեղի է ունեցել այսօր առավոտյան 4-ին։ Նրա մարմինը հայտնաբերվել է Պերերվինյան բուլվարի վրա։ Ոստիկանություն ահազանգել է այդ շենքի առաջին հարկի բնակչուհին, որը արթնացել է պատուհանից այն կողմ լսված բարձր ձայնից։
«РЕН ТВ»-ի տվյալներով՝ Չուբուկովը վիճաբանել է կրտսեր եղբոր հետ, և դրանից հետո գնացել մյուս սենյակ, իսկ որոշ ժամանակ անց նրա մարմինը գտնվել է շենքի պատուհանների տակ։ Նաև հաղորդվում է, որ ընկնելուց առաջ Չուբուկովն ինչ-որ աղջկա հետ է եղել։ Մանրամասները ճշտվում են։
«Դոմ-2»-ի նկարահանումների ժամանակ, հիշեցնենք, 37-ամյա օպերատորն իրեն վատ էր զգացել , նրա համար «Շտապ օգնություն» էին կանչել, սակայն բժիշկները անզոր էին գտնվել։ Մահվան պատճառ էր նշվել սրտային սուր անբավարարությունը։
