«Լալվարի» սորտի խաղողը տարածված է Տավուշի մարզում՝ Դեբեդի հովտում և Բերդ համայնքում։ Տեղական այդ սորտը ստեղծվել է այգեգործների կողմից, ժողովրդական ընտրասերման միջոցով։ Այն օժտված է բավականին բարձր ֆիլոքսերադիմացկունությամբ։ Այդ սորտի խաղողն օգտագործում են սեղանի գինիների և շամպայնի գինենյութերի պատրաստման նպատակով։ Դեբեդի հովտի այգեգործներրից տեղեկացանք, որ հեռահաղորդակցության «Թիմ տելեկոմ» ընկերությունը Հայաստանում մշակվող «Լալվարի» խաղողի հումքից Ֆրանսիայում յուրատեսակ գինիներ է արտադրում։ Այդ ընկերությունը նաև ձեռնամուխ է եղել Տավուշի մարզում «Լալվարի» սորտի խաղողի 5 հեկտար այգի հիմնելուն։
