Դեկտեմբերի 16-ին Տավուշի մարզպետ Հայկ Ղալումյանը Դիլիջանի համայնքապետարանի շենքում կատարել է քաղաքացիների ընդունելություն: Տավուշի մարզպետարանից հայտնում են, որ ընդունելությանը մասնակցել է 8 քաղաքացի՝ Դիլիջանից եւ հարակից բնակավայրերից: Այդ բնակիչները մարզի ղեկավարին ներկայացրել են տարբեր խնդիրներ՝ հիմնականում սոցիալական եւ քաղաքաշինական բնույթի:
Չնայած համացանցում նախօրոք մարզպետի ընդունելության մասին ծանուցում էր արվել, սակայն ավելի քան 16 հազար բնակչություն ունեցող Դիլիջան քաղաքից եւ Դիլիջան համայնքի 6 գյուղերից, փաստորեն, մարզպետի ընդունելությանը մասնակցել է ընդամենը 8 անձ։ Սա նշանակում է 2 բան՝ ավելի քան 26 հազար բնակիչ ունեցող Դիլիջան համայնքի բնակիչները չլուծված խնդիրներ կա՛մ չունեն, կա՛մ դրանց լուծման համար մարզպետի հետ հույսեր չեն կապում։
