Այն իրավիճակը, որ կա այսօր Հայաստանում, Հայաստանի ներքին գործն է։ Այս մասին հայտարարել է ՌԴ ԱԳ նախարարի տեղակալ Անդրեյ Ռուդենկոն՝ լրագրողների հետ հանդիպման ժամանակ։ ТАСС-ի փոխանցմամբ, Ռուսաստանը Հայաստանում ընթացող ներկայիս զարգացումները դիտարկում է որպես Հայաստանի ներքին գործը եւ հավատարիմ է մնում այլ երկրների ներքին գործերին չմիջամտելու իր սկզբվունքին։ Միաժամանակ նաեւ փոխնախարար Ռուդենկոն ասել է, որ Մոսկվան որեւէ մեկի կողմից չէ եւ միայն ցանկանում է, որ իրավիճակը որքան հնարավոր է շուտ կարգավորվի, քանի որ դա բոլորի շահերից է բխում։ Միաժամանակ նաեւ նա հայտարարել է, որ Մոսկվայում հույս ունեն, որ Լեռնային Ղարաբաղում իրավիճակի սրում չի լինի։
