Վանաձորի ավագանու նիստերի վրա կալանք դնելը շատ վատ, խայտառակ նախադեպ է ստեղծել ընտրական պրոցեսի իրացման առումով: Այս մասին այսօր՝ հուլիսի 16-ին, լրագրողների հետ զրույցում հայտարարել է Մամիկոն Ասլանյանը:
Պնդմանը, թե արդյոք Էդմոն Մարուքյանին նկատի ունի վերոնշյալն ասելով, Ասլանյանը արձագանքել է.«Թաքուն չի դիմել Մարուքյանը:Ինքն ինձ ասել է, որ ճնշում կա իր վրա, ստիպված է լինելու դիմել։ Ինքն էնքան կալիբր չունի, որ իր դատարան դիմելու արդյունքում ես ՔԿՀ-ում լինեի, բայց իր դիմելու արդյունքում տուժել է Վանաձորի ընտրական ողջ տրամաբանությունը, անհիմն արգելանք է դրվել ավագանու նիստի վրա, որտեղ պետք է ընտրվեր համայնքի ղեկավար»,- ասել է նա:
