Հեղինակներ Հրապարակագիրներ
Այսօր՝ 26.Մայիս.2017, Ժամանակը Երևանում՝ 00:00
1USD = 0AMD
1EUR = 0AMD
1RUB = 0AMD
Եղանակը Երևանում՝
Իրանը մտադիր է ավելացնել իր նավթի հանույթը մի... Դատավորների որս է սկսվել Հայրենասիրական երգի փառատոն` ՊԲ շտաբում Գիշերվա 4-ին, 5-ին զանգ ստացա, որ մենք չենք ը... ԱԺ «մանուկների» թեժ մարտերը՝ «խաղալիքների» հա... Մարսելում հրդեհից մահացած ընտանիքի անդամները ... «Ժողովուրդ». Հիմա էլ արտարժույթն են կեղծում «Հրապարակ». Ես, կաստումս, գալստուկս ու ժամս Ձերբակալվել են մաքսային միջնորդական /բրոքերակ... «Ժողովուրդ». Ընտրություններն ավարտվեցին՝ փոսե... «Հրապարակ». Անձամբ էին եկել նիստի «Ժողովուրդ». Մահափորձ ծրագրողների անունները գ... Եվս մի մարտիկ «Ժողովուրդ». Շոյգուն առանձնազրույցներ կունենա... «Հրապարակ». Նվիրվել է ստեղծագործ աշխատանքի «Հրապարակ». ԱԺ-ում լայնամասշտաբ կրճատումներ ե... «Հրապարակ». Իսկ քաղաքապետարանում պատրաստվում ... Բրյուսելում տեղի է ունեցել Անգելա Մերկել- Թայ... Եղանակը Հայաստանում Աստղագուշակ՝ մայիսի 26-ի համար
Ամենաընթերցված լուրերը
Դատավորների որս է սկսվել Հայրենասիրական երգի փառատոն` ՊԲ շտաբում Գիշերվա 4-ին, 5-ին զանգ ստացա, որ մենք չենք ը... ԱԺ «մանուկների» թեժ մարտերը՝ «խաղալիքների» հա... Մարսելում հրդեհից մահացած ընտանիքի անդամները ... «Ժողովուրդ». Հիմա էլ արտարժույթն են կեղծում «Հրապարակ». Ես, կաստումս, գալստուկս ու ժամս Ձերբակալվել են մաքսային միջնորդական /բրոքերակ... «Ժողովուրդ». Ընտրություններն ավարտվեցին՝ փոսե... «Հրապարակ». Անձամբ էին եկել նիստի «Ժողովուրդ». Մահափորձ ծրագրողների անունները գ... Եվս մի մարտիկ «Ժողովուրդ». Շոյգուն առանձնազրույցներ կունենա... «Հրապարակ». Նվիրվել է ստեղծագործ աշխատանքի «Հրապարակ». ԱԺ-ում լայնամասշտաբ կրճատումներ ե... «Հրապարակ». Իսկ քաղաքապետարանում պատրաստվում ... Բրյուսելում տեղի է ունեցել Անգելա Մերկել- Թայ... Եղանակը Հայաստանում Աստղագուշակ՝ մայիսի 26-ի համար Անկարան բացատրել, թե ինչու չի ձերբակալել Մանչ... ԱՄՆ արդարադատության նախարարությունը սկսել է գ... Լիբիացի մարշալ Խաֆթարի բանակը երկրի հարավում ... Ամերիկացի քաղաքական գործիչը բրիտանացի լրագրող... Շվեդացի քահանան զրկվել է կոչումից ծանոթությու... Գնդապետ Արթուր Բաղդասարյանը նշանակվել է ՊՆ ռա... Դավիթ Հարությունյանը նշանակվել է արդարադատութ... Ուկրաինայի մաքսատան պահեստում մկները կերել են... Ֆիլիպիններում 2 օրում 31 ԻՊ գրոհային է ոչնչաց... Կիևը Ռուսաստանի հետ երկաթուղային հաղորդակցութ... Թրամփը պահանջել է հետաքննել ԱՄՆ հատուկ ծառայո... ՓՊ-ն փաստաբան Տիգրան Աթանեսյանին տուգանեց 150... Նախագահը հրամանագիր է ստորագրել ՀՀ ՊՆ ռազմակա... ՀՀ նախագահի հրամանագրերը նախարարներ նշանակելո... Ֆրանսիան վստահություն ներշնչող միակ ռազմական ... Եղիսաբեթ II-ը այցելել է Մանչեսթերի ահաբեկչութ... Թրամփը չի հետաքրքրվել ՆԱՏՕ-ի նոր շտաբ-բնակարա... Պայթեցրել են Հունաստանի նախկին վարչապետի ավտո... Պետդեպը կոչ է արել Բալկանյան պետություններին ... ՆԱՏՕ-ի երեք սպառնալիքներն ըստ Թրամփի Ոստիկանությունը վարորդներին կոչ է անում առավե... Պայթեցրել են Հունաստանի նախկին վարչապետի ավտո... Վնասազերծում (տեսանյութ) Կամրջից երեխա է ընկել Մակրոնը ձեռքսեղմման մրցույթոմ հաղթեց Թրամփին Կարսի պայմանագրի գարանտը ինքնասպան է եղել․ Ազ... Թուրքիան Ռուսաստանի հետ առեւտրային սահմանափակ... Խուլիգանություն Հրազդանի կիրճում. բռնություն ... Հովհաննես Նիկողոսյանը նշանակվել է ՀՀ Նախագահի... ԵՄ-ն եւ ԱՄՆ-ն պայմանավորվել են ակտիվացնել իրե... Ինչպես են ռուսները կարգավորելու իրենց հարաբեր...
Հարցում

Հաջողություն, Ֆրանսիա, բարեկամ երկիր

Ֆրանսիայի նախագահի պաշտոնի թեկնածու Մարին Լը Պենը «Nouvelles d'Armenie»-ին տված հարցազրույցում առանց այլեւայլությունների ասել է, որ Արցախյան հիմնահարցի լավագույն լուծումը ԼՂ-ի վերամիավորումն է Հայաստանի հետ: Նա նաեւ նկատել է, որ ԽՍՀՄ փլուզման ժամանակ սխալ է թույլ տրվել, եւ խորհրդային հանրապետությունների ներքին վարչական սահմանները մեխանիկորեն վերածվել են պետական սահմանների:

Նույն «Nouvelles d’Armenie» ամսագրին ավելի վաղ տված հարցազրույցում Ֆրանսիայի նախագահի պաշտոնի մեկ այլ թեկնածու՝ Ֆրանսիայի նախկին վարչապետ Ֆրանսուա Ֆիոնը, համոզմունք էր հայտնել, որ ԼՂ խնդիրն ստեղծվել է 1921թ. սխալ որոշման պատճառով, որով Լեռնային Ղարաբաղը կամայականորեն մտցվել է Ադրբեջանի կազմի մեջ: Ֆիոնը եւս, փաստորեն, ակնարկում է Արցախը Հայաստանին վերադարձնելու եւ արդարությունը վերականգնելու մասին:

Եթե հաշվի առնենք այն հանգամանքը, որ Ֆրանսիայի նախագահական ընտրությունների երկրորդ փուլ դուրս գալու շանսեր ունեն երեք թեկնածուներից` Ֆրանսիայի էկոնոմիկայի նախկին նախարար Էմանուել Մակրոնից, «Ազգային ճակատ» կուսակցության առաջնորդ Մարին Լը Պենից եւ Ֆրանսիայի նախկին վարչապետ Ֆրանսուա Ֆիյոնից երկուսը, ապա կարելի է ենթադրել, որ ընտրությունների առաջին եւ երկրորդ փուլերի միջեւ ընկած օրերին երկրորդ փուլ անցած թեկնածուներից առնվազն մեկը (Լը Պենը կամ Ֆիյոնը) դեռ առիթ կունենան եւս մեկ անգամ անդրադառնալու Արցախի խնդրին եւ վերահաստատելու իրենց դիրքորոշումը: Եթե նրանք դա անեն նաեւ ֆրանսիական որեւէ հանրահայտ լրատվամիջոցում, ապա ինքնին հասկանալի է, կկարողանան շատ ավելի մեծ լսարան ապահովել եւ իրենց կողմը գրավել ոչ միայն Ֆրանսիայի բավականին լավ կազմակերպված հայկական համայնքի համակրանքը, այլեւ ֆրանսիական հասարակության այն հատվածին, որ տեղեկացված է Արցախի խնդրին եւհարցի պատմությանը: Դա կարող է վճռական դերակատարություն ունենալ նախագահական ընտրությունների արդյունքների վրա: Երբ հարցումների արդյունքներով թեկնածուներն ընթանում 1-2 տոկոսի տարբերությամբ կամ միմյանց շրջանցելով, միանգամայն հասկանալի է դառնում, թե որքան կարեւոր է նրանց համար որեւէ կազմակերպված ազգային համայնքի եւ հասարակության գիտակից հատվածի աջակցությունը:

Արցախի խնդիրը, անտարակույս, Ֆրանսիայում ամենից լավ գիտի եւ հասկանում է հենց հայկական համայնքը, եւ այդ համայնքի համակրանքը շահելու համար թեկնածուներն ստիպված են շատ ջանք գործադրել, քանզի Ֆրանսիան, որպես ԵԱՀԿ ՄԽ համանախագահող երկիր, Արցախի հարցում ունի բավականին հստակ դիրքորոշում, որը համահունչ է մյուս համանախագահների՝ Ռուսաստանի եւ ԱՄՆ-ի դիրքորոշումներին, եւ դժվար է պատկերացնելը, որ Լը Պենը կամ Ֆիյոնը նախագահ ընտրվելու դեպքում կկարողանան գլխիվայր շրջել բանակցային ողջ գործընթացը: Այսինքն՝ նրանք դեռ պարտավոր են ասել, թե ինչպես են պատկերացնում Արցախի` Հայաստանի հետ վերամիավորումը եւ, մանավանդ, ինչպես են դա անելու առանց ԱՄՆ-ի եւ Ռուսաստանի, որոնք մտմտում են տարածքները հանձնելու դիմաց Արցախի ինչ-որ երեւակայական միջանկյալ կարգավիճակի շուրջ:

Ամենայն հարգանքով վերաբերվելով Լը Պենի եւ Ֆիյոնի համոզմունքներին, այդուհանդերձ, պետք է հետեւյալ ամրագրումն անենք` նրանք առաջինը չեն եւ ոչ էլ վերջինը, որոնք ընտրություններից առաջ խոսում են մեր խնդիրներին հայանպաստ լուծումներ տալու մասին: Այդպես են վարվել Ֆրանսիայի եւ ԱՄՆ-ի շատ նախագահներ` խոստացել են պաշտոնապես ճանաչել Հայոց ցեղասպանությունը, քրեականացնել ցեղասպանության հերքումը, արտասանել «ցեղասպանություն» բառը, բայց, ի վերջո, ամեն ինչ հանգել է այդ երկրների ազգային շահերին եւ արտաքին քաղաքական խնդիրներին ու այդպես էլ իրականություն չի դարձել:

Հետաքրքիր է, որ Լը Պենը եւ Ֆիյոնը խոստումներ են տալիս (թեեւ նրանց հայտարարություններում ավելի շատ կարծիք կա, քան խոստում) Արցախի հիմնախնդրի հետ կապված, ինչը, պետք է ասել, նորություն է: Դա, ըստ էության, նորություն է նաեւ Ադրբեջանի համար եւ աննկատ չի մնա Բաքվում` տեղիք տալով զանազան վայրահաչումների: Ի վերջո, Ֆրանսիայի նման երկրի նախագահի թեկնածուներն են խոսել Արցախի հայկական պատկանելության մասին, իսկ դա արդեն ինֆորմացիոն հսկայական նշանակություն ունի միջազգային հանրության շրջանում Արցախի ապագայի հարցում ամուր կարծիք ձեւավորելու առումով: Թերեւս հենց այդքանով էլ սահմանափակվում է Լը Պենի եւ Ֆիյոնի հայտարարությունների արժեքը:
Մենք հասկանում ենք նաեւ, որ Ֆրանսիայի նախագահի ընտրությունները Ֆրանսիայի ապագայի ընտրությունն են առաջին հերթին, եւ Ֆրանսիայի նախագահը Ֆրանսիայի ազգային շահերի եւ ֆրանսիացիների անվտանգության երաշխավորն է նախեւառաջ: Այդ իմաստով էլ հաջողություն ենք մաղթում բոլոր թեկնածուներին, հաջողություն` նաեւ ի շահ Ֆրանսիայի հայկական համայնքի, որն իր անուրանալի ներդրումն ունի Ֆրանսիայի տնտեսական, քաղաքական եւ մշակութային կյանքում:

Էդիկ ԱՆԴՐԵԱՍՅԱՆ

Դիտվել է 340 անգամ
loading...
Ամենաընթերցված
website by Sargssyan