Հեղինակներ Հրապարակագիրներ
Այսօր՝ 28.Հունիս.2017, Ժամանակը Երևանում՝ 00:00
1USD = 0AMD
1EUR = 0AMD
1RUB = 0AMD
Եղանակը Երևանում՝
Մանկական հիվանդություններ «Հրապարակ». «Շանգրիլան» աշխատակիցների համար կ... «Հրապարակ». Մորքուր-հորքուրների որդիներով շրջ... «Հրապարակ». Դեռ տեսչական մարմինը չկա, բայց պե... Facebook-ի օգտատերերի թիվը հասել է 2 միլիարդի Մակրոնը Թրամփին հրավիրել է Բաստիլի գրավման օր... Եղանակը Հայաստանում Աստղագուշակ՝ հունիսի 28-ի համար Մերկելը պատմել է, թե ինչ է անում հյուրանոցում... Դատական հայցերը ճնշման միջոց են. Արամազդ Կիվի... Վթար Նյու Յորքի մետրոյում, կան տուժածներ Ռուսները կնախանձեն «Եղիսաբեթ թագուհուն». Մայք... Փաստաբանները 16 հայց են ներկայացրել լրատվամիջ... Նիկոլա Սթերջենը պետք է հրաժարվի Շոտլանդիայի ա... Մարադոնան իրեն համարել է Պուտինի ֆանատը Ընդմիջումների սիրահար դատավորը, «պատժված» փաս... Իրանը չի խախտում միջուկային գործարքը. ՄԱԿ-ում... Հյուսիսկորեական ստրկավաճառները աշխատանքային ճ... Լարվածություն հնդկա-չինական սահմանին Կիպրոսում կկառուցեն Եվրոպայի ամենամեծ խաղատու...
Ամենաընթերցված լուրերը
Մակրոնը Թրամփին հրավիրել է Բաստիլի գրավման օր... Եղանակը Հայաստանում Աստղագուշակ՝ հունիսի 28-ի համար Մերկելը պատմել է, թե ինչ է անում հյուրանոցում... Դատական հայցերը ճնշման միջոց են. Արամազդ Կիվի... Վթար Նյու Յորքի մետրոյում, կան տուժածներ Ռուսները կնախանձեն «Եղիսաբեթ թագուհուն». Մայք... Փաստաբանները 16 հայց են ներկայացրել լրատվամիջ... Նիկոլա Սթերջենը պետք է հրաժարվի Շոտլանդիայի ա... Մարադոնան իրեն համարել է Պուտինի ֆանատը Ընդմիջումների սիրահար դատավորը, «պատժված» փաս... Իրանը չի խախտում միջուկային գործարքը. ՄԱԿ-ում... Հյուսիսկորեական ստրկավաճառները աշխատանքային ճ... Լարվածություն հնդկա-չինական սահմանին Կիպրոսում կկառուցեն Եվրոպայի ամենամեծ խաղատու... Ճաճոենց հարսին ոստիկանները հսկում են Օպերան պաժառ կտամ․ երիտասարդը փորձել է իրեն գ... Մերկելն իր ափսոսանքն է հայտնել Թրամփին՝ վերջի... Միայն պատերազմը կարող է սրբել աղբը, իշխանությ... Բաշար Ասադը այցելել է Խմեյմիմի ռուսական ավիաբ... Մեքսիկայում հերթական լրագրողն է սպանվել Պուտինը Հայաստանում միացյալ զորախմբի հարցերով... Ավարտվել է Ժ. Սեֆիլյանի ստեղծած կազմակերպված ... Աղմուկով մտան քաղաքական դաշտ, հիմա նախընտրում... Ծառերի հատում չի իրականացվել. մեկնաբանում է ք... Մոլդովայի վարչապետը ԵԽԽՎ-ում կոչ է արել կարգա... Տուրիզմի զարգացման հերթական խթանը Գյումրիում Նոր Նորքի թաղապետը «դարդից» նոր վարսավիրանոց ... Հանրապետության Առաջին հիմնադրի արձանը կտեղադր... Նունե Եսայանը նորություն ունի Ավազակային հարձակում Արագածոտնում. Հարուցվել ... Գազայի սեկտորից հրթիռ է արձակվել Իսրայելի ուղ... Ո՜նց եմ սիրում քեեեզ, Յուրա... Ի գիտություն Մերկելը կոչ է արել Եվրոպային ավելի ակտիվորեն ... Քաղաքացիներն էլ են հրաժարվում Արման Սահակյանի... Զարուհի Փոստանջյանին բարին եմ մաղթում․ Րաֆֆի ... Մոնղոլիայում չեն կարողանում նոր նախագահ ընտրե... Անչափահասներին բերել են, դատ են վարում, հերիք... Կանցկացվեն «Փոխգործակցություն-2017» զորավարժո... Սերժ Սարգսյանը Ազգային անվտանգության խորհրդի ... Աստված՝ թաքնված Անապատացող Մերձբալթիկա. արտագաղթն այստեղ նույ... Թքեմ սրանց վրա, սրանք ինչ են որ․ Արարատ Խանդո... Նավթի գները համաշխարհային շուկայում սկսել են ... ՌԱՖՈ Իսրայելյան՝ «Երեւան, ի՛մ Երեւան» Քաղաքագրություն. Ռ. Իսրայելյան՝ «Ճոճվող Երևան... Ռուսաստանի եւ Իրանի հանդեպ նոր սանկցիաների կի... Մուրացանի Պետրոսը, Կարեն Կարապետյանն ու «Չիբո... Էլի սարսափեցի՞ք՝ եկեղեցի կառուցելու մասին լսե...
Հարցում

Ռոբերտ Քոչարյանը ՀՅԴ-ին խաբեց այնպես, ինչպես՝ շատ-շատերին․ ԳԽ նախկին դաշնակցական պատգամավոր

1990-95թթ․ Գերագույն խորհրդի պատգամավոր Հովիկ Աղազարյանը եղել է ՀՅԴ խմբակցության անդամ, ՀՅԴ Գերագույն մարմնի նախագահ, 1999թ․ հեռացվել է կուսակցությունից։ Դրանից հետո նա տեւական ժամանակ չի եղել ակտիվ քաղաքականության մեջ։ Ապրիլի 2-ին կայանալիք ԱԺ ընտրություններում նա «Ելք» դաշինքի կողմից ԱԺ պատգամավորի թեկնածու է առաջադրվել թիվ 1 ընտրատարածքում, որն ընդգրկում է Երեւանի Քանաքեռ-Զեյթուն, Ավան, Նոր Նորք վարչական շրջանները։ 

Hraparak.am-ի հարցերին պատասխանում է Հովիկ Աղազարյանը։

-Ինչու՞ էիք տեւական ժամանակ հեռացել քաղաքականությունից։

-Երբ Ռոբերտ Քոչարյանը 1998թ․ եկավ իշխանության, այն ժամանակ թե՛ ՀՅԴ-ն, թե՛ ես մեծ հույսեր էինք կապում նրա հետ։ Ինձ թվում էր, որ ես քաղաքական կյանքում այլեւս անելիք չունեմ, որովհետեւ Ռոբերտ Քոչարյանն ու Դաշնակցությունը կլուծեն այն հարցերը, որոնց ես հետամուտ էի։ Բայց ժամանակը անցավ, եւ Ռոբերտ Քոչարյանը չարդարացրեց ինչպես իմ, այնպես էլ շատ-շատերի հույսերն ու սպասելիքները։ Եվ տարիներ անց ես նորից մտա քաղաքականություն։ 2012թ․ ես ընտրեցի «Քաղաքացիական պայմանագիր» հասարակական կազմակերպությունը, իսկ 2015թվականին էլ ձեւավորվեց նույնանուն կուսակցությունը, մեկ տարի անց ընտրվեցի կուսակցության վարչության անդամ։

- Քաղաքական-հասարակական շրջանակներում հաճախ է արտահայտվում այն տեսակետը, որ անկախ Հայաստանի առաջին գումարման խորհրդարանը քաղաքական առումով ամենահասունն ու գաղափարականն էր, որտեղ կայացվում էին պետությանը վերաբերող կարեւորագույն որոշումներ։ Ինչու՞, ըստ Ձեզ, 1995 թվականից հետո տեղի ունեցավ աստիճանական գահավիժում, եւ հետագա խորհրդարաններում գաղափարակիրները դարձան փոքրամասնություն։

- Այն ժամանակ Գերագույն խորհուրդը ձեւավորվեց ազգային զարթոնքի վրա, եւ խորհրդարանն ուներ բավական բարձր մակարդակ։ Բայց հետագայում այդ արժեքները հետին պլան մղվեցին իմ խորին համոզմամբ՝ Լեւոն Տեր-Պետրոսյանի իրականացրած ինտրիգային քաղաքականության պատճառով։ Իշխանությունը պահելու իր մոլուցքը, ինքնասիրահարվածության խորն աստիճանը մեր երկրում ստեղծեց այն իրավիճակը, որն ունենք այսօր։

- Իսկ Ռոբերտ Քոչարյանի եւ Սերժ Սարգսյանի իրականացրած քաղաքականությունն ի՞նչ հետեւանքներ թողեց։

- Ես հետին թվով Ռոբերտ Քոչարյանին չեմ ընդունում որպես ՀՀ նախագահ, իսկ Սերժ Սարգսյանին՝ նույնպես։ Ես նրան համարում եմ մեր երկրի ղեկավար, ոչ թե ՀՀ նախագահ։ Ռոբերտ Քոչարյանի եւ Սերժ Սարգսյանի մասին իմ կարծիքը խիստ բացասական է։ Ռոբերտ Քոչարյանին ես շատ վաղուց, արցախյան շարժման ակունքներից եմ ճանաչում, երբ նա ԳԽ պատգամավոր էր։ Ինքն էլ, Սերժ Սարգսյանն էլ բոլորովին այլ մարդիկ էին, իշխանության գալուց հետո դարձան այլ մարդ։ Ռոբերտ Քոչարյանն իր անհատական որակներով կարող էր շատ մեծ օգուտ տալ մեր երկրին, բայց ինքը, ցավոք սրտի, նախընտրեց անձնական հարստություն կուտակելը, իշխանության ամրապնդմանը։

- «Ելք» դաշինքի ծրագրային ո՞ր դրույթներն են հատկապես դուր եկել Ձեզ։

- «Ելք» դաշինքը դեռեւս գտնվում է կայացման փուլում, այն կարող է հետագայում վերածվել կուսակցության։ Այդ իմաստով ես կնախընտրեի խոսել առայժմ «Քաղաքացիական պայմանագիր» կուսակցության մասին։ Մեր կուսակցությունը անհատների միավորում է, որտեղ մարդիկ առաջնորդվում են հայրենիքը ստեղծված վիճակից դուրս բերելու մղումով։

- Որպես Գերագույն խորհրդի պատգամավոր՝ Դուք ցանկանու՞մ եք Ձեր փորձը փոխանցել «Ելք» դաշինքի երիտասարդներին։

- Ես երբ 2012թ․ ծանոթացա Նիկոլ Փաշինյանի հետ, իր հետեւողական կեցվածքը իմ մեջ համոզմունք ստեղծեց, որ նրա շուրջ կարելի է համախմբվել։

- Հայ հեղափոխական դաշնակցությունը կոալիցիա կազմեց իշխող Հանրապետական կուսակցության հետ։ Որպես նախկին դաշնակցական՝ ինչպե՞ս եք վերաբերում այսօր ՀՅԴ-ի քաղաքականությանը։

- Միանշանակ՝ բացասական։ Դաշնակցությունը հենց 90-ականներին մեր հայրենիքի համար արել է այնքան բան, որ ոչ մեկը չի արել։ Ես դա կարող եմ հիմնավորել։ Ռոբերտ Քոչարյանին ՀՅԴ-ն սատարեց, սակայն նա խաբեց ինչպես մյուսներին, այնպես էլ ՀՅԴ-ին։ Իսկ Սերժ Սարգսյանի հետ կոալիցիա կազմելով, իրենց կարծիքով, իրենք փորձում են ազդել պետականության կայացման վրա։ Բայց ես ՀՀԿ-ի հետ ՀՅԴ-ի կոալիցիա կազմելը գնահատում եմ բացասական։

- Պահպանե՞լ եք հարաբերություններն այսօր իշխանության մեջ գտնվող դաշնակցականներ հետ, բարձրաձայնու՞մ եք նրանց ձեր մտահոգությունների մասին։

- Այո, ասել եմ, պատասխանը հետեւյալն է՝ էդ ճանապարհով իրենք փորձում են ազդել իրականացվող քաղաքականության վրա։ Ես համաձայն չեմ դրան։

- Դաշնակցությունը ազգայնական-սոցիալիստական կուսակցություն է, «Քաղաքացիական պայմանագիրը» այլ արժեքներ է դավանում, ի՞նչ գաղափարական ընդհանրություններ եք գտել «Քաղաքացիական պայմանագիր» կուսակցության հետ։

- «Քաղաքացիական պայմանագիր» կուսակցությունում ինձ համարում են դաշնակցական։ Եթե Դուք կարդաք «Քաղաքացիական պայմանագիր» կուսակցության ծրագիրը, ապա շատ մեծ ընդհանրություններ կարող եք գտնել այնտեղ։ Հայրենիքի պաշտպանությանը, սոցիալական արդարությանը, հայրենահավաք գործունեությանը վերաբերող շատ ընդհանուր դրույթներ կան այնտեղ։ Հիմնական տարբերությունը միայն կանոնադրությունների մեջ է։ Ես կարծում եմ, որ «Քաղաքացիական պայմանագիր» կուսակցության կանոնադրությունը շատ ավելի արդիական է, քան՝ ՀՅԴ-ինը։ Հիմա ես էլ այդ ծրագրի իրագործումը, որպես անհատ, ընտրել եմ այս գործիքով։

Թագուհի Հակոբյան

 

Դիտվել է 1623 անգամ
loading...
Ամենաընթերցված
website by Sargssyan